Xorazmlik eng sara yozgi biatlonchilar O'zbekiston kubogi uchun bahs yuritishdi

O'zbekiston Respublikasi  mudofaasiga ko'maklashuvchi “Vatanparvar” tashkiloti Xorazm viloyati kengashining Sportning texnik va amaliy turlari bo'yicha 2021 yilga mo'ljallangan sport va ommaviy jismoniy tadbirlari kalendar rejasiga asosan uyushtirilgan mazkur musobaqada viloyatimizning barcha shahar va tumanlaridan tashrif buyurgan 2003 yilda tug'ilgan va undan kichik yoshdagi sportchilar o'zaro bahs yuritishdi.

Qiziqarli kechgan bahslarda  SHovot tumani o'quv sport texnika klubi azolari yuqori natijaga erishishdi. Xususan, Zuhra Ro'zimova qizlar orasida, Mirzabek Qadamboev o'g'illar orasida g'oliblikni qo'lga kiritishdi. SHuningdek, qizlar birinchiligida bog'otlik Sarvinoz Sultonboeva ikkinchi, Qo'shko'pir tumanidagi “O'rtayop” o'quv sport texnika klubi azosi Ziyoda Jumamuratova  uchinchi o'rinni egallashdi. O'g'il bolalar musobaqasida esa xivalik Jo'shqin Qadamov va shovotlik Foziljon Ismoilov sovrindor bo'ldi.

Yakuniy sarhisoblarga ko'ra, umumjamoa hisobida SHovot tumani  o'quv sport texnika klubi jamoasi shohsupaning birinchi pog'onasiga ko'tarilib, yozgi biatlon bo'yicha 2021 yilgi Xorazm viloyati kubogini qo'lga kiritdi.   Bog'ot tumani   o'quv sport texnika klubi ikkinchi, Xiva   tumani o'quv sport texnika klubining yosh yozgi biatlonchilari uchinchi o'rinni band etishdi.

Musobaqaning yopilish marosimida O'zbekiston Respublikasi mudofaasiga ko'maklashuvchi “Vatanparvar” tashkiloti Xorazm viloyat texnik va amaliy sport turlari markazi direktori Odilbek Ibragimov  g'olib va sovrindor sportchilarni erishgan yutuqlari bilan qutlab, barchasini tegishli darajada  taqdirladi.

Endilikda, sovrinli o'rinlarni egallagan xorazmlik yozgi biatlonchilar joriy yilning 10-13 mart kunlari Toshkent viloyatining CHirchiq shahrida uyushtiriladigan O'zbekiston kubogi musobaqasida vohamiz sharafini himoya qilishadi.

Ikrom XUDOYBERGANOV, Xorazm viloyatidan.