02 may 11:44
Yangiliklar

Boshqalar

Xorazmlik kartingchilar viloyat kubogining ilk bosqichida bahs yuritishdi FOTOGALEREYA

Teglar : Karting Xorazm

Urganch tumanining CHolish qo'rg'onida joylashgan Xorazm viloyati Mudofaa ishlari boshqarmasi huzuridagi chaqiriluvchilarni harbiy-texnik mutaxassislar bo'yicha tayyorlash markazining o'quv-mashq maydonida cportning karting turi bo'yicha viloyat kubogining 1-bosqichi uyushtirildi.

O'zbekiston mudofaasiga ko'maklashuvchi “Vatanparvar” tashkiloti Xorazm viloyat kengashi hamda viloyat texnik va amaliy sport turlari markazi tomonidan uyushtirilgan mazkur musobaqada vohaning 9 ta jamoasidan 25 nafar sportchi dvigatel hajmi 50; 61,5; 125 va 250 santimetr kub bo'lgan karting birinchiliklarida g'oliblik uchun o'zaro bahs yuritishdi.

Yakuniy natijalarga ko'ra, quyidagilar viloyat kubogining dastlabki bosqichida shohsupaga ko'tarilishdi:

Dvigatel sig'imi 50 sm3 bo'lgan karting birinchiligi

1-o'rin. Egamberdi Otajonov (Pitnak O'STK)

2-o'rin. Doniyorbek Ro'zmetov (Xiva tumani O'STK)

3-o'rin. Jamolbek Hayitboev (Xonqa tumani O'STK).

Dvigatel sig'imi 61,5 sm3 bo'lgan karting birinchiligi

1-o'rin. Zafarbek Otajonov (Pitnak O'STK)

2-o'rin. Akmal Ilhomov (SHovot tumani O'STK)

3-o'rin. Angel Lucenko (Xorazm VTAST markazi).

Dvigatel sig'imi 125 sm3 bo'lgan karting birinchiligi

1-o'rin. Abror Erkinov (SHovot tumani O'STK)

2-o'rin. Azizbek Avezmetov (Yangiariq tumani O'STK)

3-o'rin. Zafarbek Qadamov (Xiva tumani O'STK).

Dvigatel sig'imi 250 sm3 bo'lgan karting birinchiligi

1-o'rin. Rasulbek Yarashev (Yangiariq tumani O'STK)

2-o'rin. Evgeniy Jumaniyazov (Xorazm VTAST markazi)

3-o'rin. Boboxon Nazarov (Xonqa tumani O'STK).

Umumjamoa hisobida Xorazm VTAST markazi kartingchilari shohsupaning birinchi pog'onasiga ko'tarilishdi. Ikkinchi o'rinni Xiva tumani o'quv sport texnika klubi sportchilari qo'lga kiritishdi. Faxrli uchinchi o'rin Xonqa tumani o'quv sport texnika klubi poygachilariga nasib etdi.

Musobaqaning yopilish marosimi tantanali tarzda nishonlandi. Tadbirda qatnashgan O'zbekiston mudofaasiga ko'maklashuvchi “Vatanparvar” tashkiloti viloyat texnik va amaliy sport turlari markazi direktori Odilbek Ibragimov hamda Viloyat Mudofaa ishlari boshqarmasi huzuridagi CHaqiriluvchilarni harbiy-texnik mutaxassisliklar bo'yicha tayyorlash markazi boshlig'i, podpolkovnik Rashid Mirbozorov g'olib va sovrindor kartingchilarni erishgan muvaffaqiyatlari bilan qutlab, ularni tegishli darajadagi diplom va sovg'alar bilan taqdirlashdi.