28 iyu 08:39
Yangiliklar

Boks/MMA

Xotambek Boynazarov UAE Warriors turnirida g'alaba qozondi, Humoyun To'xtamurodov ham uzoq muddatdan so'ng qaytdi

Teglar : Humoyun To'xtamurodov Xotambek Boynazarov

Kecha uch nafar MMAchi hamyurtlarimiz o'zlarining navbatdagi janglarini o'tkazishdi.

O'rta vazn toifasidagi sportchimiz Xotambek Boynazarov Abu-Dabida (BAA) bo'lib o'tgan UAE Warriors 51 turnirida gruziyalik Giorgi Egnatashvili bilan jang qildi va ochkolar hisobiga g'olib deb topildi.

Bu orqali Boynazarov faoliyatidagi to'qqizinchi jangida to'qqizinchi g'alabasini nishonladi.

SHuningdek, kecha Qozog'istonning Aktau shahrida Naiza 64 turniri bo'lib o'tdi. Unda ikki nafar hamyurtimiz jang qilldi.

Jumladan, Baxtiyor Xalilov (3-0) rossiyalik Devid Gobozovni birinchi raundda texnik nokaut orqali taslim etdi. Bundan tashqari, taniqli Humoyun To'xtamurodov (8-3) katta tanaffusdan so'ng yana oktagonga qaytdi. U qozog'istonlik Nail Mixaylovga qarshi kechgan bahsda ilk raundda sabmishen orqali zafar quchdi.

Havola :

Manba : olamsport.com

Reyting: