"Xumo" klubi ishtirok etadigan "Pro Hokei Ligasy" qachon start oladi?

Ikki yillik tanaffusdan so'ng yurtimizga xokkey qaytmoqda. Xo'sh, ushbu chempionatda yangi mavsum qachon start oladi? Etiboringizga "Pro Hokei Ligasy" haqida malumotlarni taqim etamiz. 

Qozog'iston chempionatining 2022-2023 yilgi mavsumi o'z tarixida 31-bor bo'lib o'tadi. Muntazam chempionat 5 sentyabr kuni start oladi va 2023 yil fevraliga qadar davom etadi. "Pro Hokei Ligasy"ning pley-off bahslari mart oyida boshlanib, 27 aprel kuni yakunlanadi. 

Ushbu chempionatda o'tgan yili 13 ta jamoa ishtirok etgan. Muntazam chempionat bahslari bir bosqichdan iborat bo'lib, unda har bir klub 48 ta o'yin o'tkazadi. Muntazam chempionat yakunlariga ko'ra, 1-8-o'rinlarni egallagan jamoalar pley-off bosqichiga yo'l oladi. Pley-off seriyasi esa chorak final, yarim final va finaldan iborat. Finalda chempionat g'olibi va ikkinchi o'rin sohibi aniqlansa, yarim finalda mag'lub bo'lgan, ammo muntazam chempionatda yuqoriroq o'rinni egallagan jamoa bronza medali sohibiga aylanadi. 

Eslatib o'tamiz, bungacha "Humo" xokkey klubi Qozog'iston chempionatida 2019-2020 yilgi mavsumda ishtirok etgan va 10-o'rinni egallagandi.