Yakuniy ATP turniriga qura tashlandi

Dunyo reytingida kuchli sakkiztalikda borayotgan raketka ustalari o'rtasidagi ushbu nufuzli musobaqaga qura tashlandi. Tennischilar ikki guruhga bo'linishdi. Ilie Nastase nomli guruhdan sayyoramizning birinchi raketkasi italiyalik Yannik Sinner (1), rossiyalik Daniil Medvedev (4), amerikalik Teylor Fritc (5) va avstraliyalik Aleks De Minaur (7) joy oldi.

Jon Nyukomb nomi berilgan guruhda esa germaniyalik Aleksandr Zverev (2), ispaniyalik Karlos Alkaraz (3), norvegiyalik Kasper Ruud (6) hamda rossiyalik Andrey Rublyov (8) o'zaro 1/2 final chiptasi uchun bahs olib boradigan bo'ldi. Guruhda birinchi va ikkinchi o'rinni egallagan tennischilar pley-offga yo'l oladi.  

Malumot uchun, jarohati sabab serbiyalik Novak Jokovich turnirga bir necha kun qolganda safdan chiqdi. Uning o'rnini zaxira tennischisi sifatida rossiyalik Andrey Rublyov egalladi.