06 noy 14:23
Yangiliklar

Tennis

Yakuniy turnir. Aleks De Minaur ham g'alaba bilan boshladi

Xabar berganimizdek, Italiyaning Milan shahrida 21 yoshgacha bo'lgan dunyoning sakkiz nafar eng kuchli yosh tennischilari ishtirokidagi yilning Yakuniy turniri bo'lib o'tmoqda.

Dunyoning 18-raketkasi, avstraliyalik Aleks De Minaur guruh bosqichining ilk uchrashuvida reytingning 87-pog'onasidan joy olgan ispaniyalik Alexandro Davidovich Fokinaga qarshi kortga chiqdi va 4/2, 3/4(5), 4/1, 4/1 hisobida g'alaba qozondi.

Tennischilar kortda 1 soatu 31 daqiqa davomida harakat qilishgan. Bu vaqt oralig'ida 20 yoshli De Minaur 3 ta, uning ispaniyalik raqibi esa bor yo'g'i 1 ta eys zarbasini amalga oshirgan. Tennischilarning o'zaro uchrashuvlaridagi hisob muvozanati tiklandi - 1:1.