Yana bir sport turi bo'yicha O'zbekiston chempionati sovrindorlari OTMlarga imtiyoz asosida qabul qilinadi

Hukumat qarori (190-son, 05.03.2019 y.) bilan Xalqaro va respublika olimpiadalari, tanlovlari, musobaqalari g'oliblari bo'lgan akademik liceylar, kasb-hunar kollejlari va umumlalim maktablari o'quvchilarini taqdirlash tartibi to'g'risidagi nizomga qo'shimchalar kiritildi.

Kiritilgan qo'shimchalarga muvofiq, sportning texnik va amaliy turlari, avtomobil va motocikl sporti, sportning aviamodel va raketamodel bo'yicha respublika musobaqalarida birinchi, xalqaro musobaqalarda birinchi, ikkinchi, uchinchi o'rinlarni egallagan o'quvchilar oliy talim muassasalariga test sinovlarisiz va qo'shimcha imtihonlarsiz o'qishga qabul qilinadi.

Ilgari bu imtiyoz faqat sportning olimpiya turlari, “Kurash” milliy sport turi, shaxmat, shashka bo'yicha musobaqa g'oliblariga berilgan.