Yana ikkita jamoa futzal bo'yicha Osiyo chempionatiga yo'l oldi

G'arbiy mintaqada saralash o'yinlarining guruh bosqichi o'z nihoyasiga etdi. Quvayt va Livan terma jamoalarining Osiyo chempionatiga yo'l olgani haqida xabar bergandik. Kecha bo'lib o'tgan so'nggi tur uchrashuvlaridan so'ng baxtli yana ikki jamoa nomi malum bo'ldi. 

SHunday qilib Bahrayn va Saudiya Arabistoni terma jamoalari ham navbatdagi Osiyo chempionatida ishtirok etadi. Turkmanistonda bo'lib o'tadigan navbatdagi Osiyo chempionatida 16ta jamoa ishtirok etadi va yakunda kuchli beshlikdan joy olgan jamoalar 12 sentyabr - 4 oktyabr kunlari Litvada bo'lib o'tadigan jahon chempionatiga yo'llanma olishadi. 

OFK G'arbiy mintaqa saralash o'yinlari uchun 5ta yo'llanma ajratgan. Ertaga o'z guruhlarida uchinchi o'rinni egallagan BAA va Ummon terma jamoalari o'zaro bahs olib boradi. Mazkur juftlik g'olibi ham qita birinchiligiga yo'llanma oladi.