Yangilik: kasbiy (ijodiy) imtihonlarning shaffof o'tishini taminlash maqsadida raqamlashtirish tizimi joriy qilinmoqda

2022/2023-o'quv yilidan boshlab O'zbekiston davlat jismoniy tarbiya va sport universiteti (O'zDJTSU)da sport turlari bo'yicha kasbiy (ijodiy) imtihonlarda inson omilining tasirini keskin kamaytirish, imtihonlarning shaffof o'tishini taminlash maqsadida raqamlashtirish tizimi joriy etiladi.

SHuni alohida takidlash lozim, bunday tizim oldin hech bir oliy talim muassasasida joriy qilinmagan. Ilk marotaba ushbu tizim O'zDJTSUda amaliyotga tatbiq etilmoqda.

Xususan, har bir sport talim yo'nalishi bo'yicha Komissiya tarkibi azolari 4-8 nafargacha bo'ladi. Komissiya raisi va azolari planshet bilan taminlanadi. Ular vazirlik tomonidan yaratilgan maxsus dastur asosida abiturientlarning JSHSHIR kodi orqali kasbiy (ijodiy) imtihon natijalarini imtihon vaqtida to'g'ridan-to'g'ri tizimga kiritadi. Komissiya raisi azolar tomonidan kiritilgan natija va qo'yilgan baholarni ko'rib chiqib tasdiqlaydi. Komissiya raisi tomonidan abiturientlarning kasbiy (ijodiy) imtihon natijalari tasdiqlangan vaqtda abiturient telefon raqamiga SMS orqali natija va baholari kelib tushadi. Bu esa bahoni turli yo'llar bilan o'zgartirish imkonini bermaydi.

Elektron axborot tizimida har bir abiturient haqida malumotdan tortib, jamg'argan ballarigacha saqlanadi. SHuningdek, imtihon jarayonlarining shaffof va adolatli o'tishi uchun kasbiy (ijodiy) imtihon bo'ladigan obektlar 40 dan ortiq kuzatuv kameralari bilan jihozlangan. Abiturient va ularning yaqinlari tomonidan etiroz bildirilgan taqdirda yoki boshqa holatlarda komissiya azolari o'rganib chiqishi uchun imkoniyatlar mavjud.

Bundan tashqari, abiturientlarning yaqinlari imtihon o'tkazilish jarayonini onlayn kuzatib borish uchun kasbiy (ijodiy) imtihon o'tkaziladigan hududlarda elektron monitorlar o'rnatiladi. SHuningdek, kasbiy (ijodiy) imtihon jarayonlari imtihon.jtsu.uz veb-sayti orqali to'g'ridan-to'g'ri translyaciya qilinadi. SHu bilan birgalikda axborot xavfsizligini taminlash maqsadida barcha malumotlar Uztelekom akciyadorlik kompaniyasi maxsus bazasida saqlanadi.

Albatta bu kabi tizimning yaratilishi iqtidorli sportchilarni saralab olish, bilimli yoshlarning mehnatlarini yuzaga chiqishida katta yordam beradi va abiturientlarning o'ziga bo'lgan ishonchini yanada oshiradi.