Yannik Sinner Rojer Federerning rekordini takrorladi

Yannik Sinner Devis Kubogining finalida niderlandiyalik Tallon Grikspurni 7/6(2), 6/2 hisobida mag'lubiyatga uchratdi. Bu bilan Sinner afsonaviy shveycariyalik tennischi Rojer Federerning rekordini takrorladi. Yannik joriy mavsumda o'zi ishtirokidagi uchrashuvlarda kamida bitta setni yutgan. Federer bunday natijaga 2005 yilgi tennis mavsumida erishgan edi. 

Sayyoramizning birinchi raketkasi hisoblangan Yannik Sinner 2024 yilda o'tkazgan 84 ta uchrashuvidan 78 tasida (93%) g'alaba qozongan. Bu yil u 9 ta turnirda bosh sovrinni qo'lga kiritdi. "Katta Dubulg'a" turkumiga kiruvchi Australian Open va US Open turnirlarida chempion bo'ldi. Bu musobaqalarda 17 million AQSH dollari miqdorida mukofot puli yutib oldi.