11 iyu 16:56
Yangiliklar

Yannik Sinnerga dunyoning birinchi raketkasi nishoni sifatida kubok topshirildi + FOTO

Australian Open 2024 chempioni Yannik Sinner "Rolan Garros" turniridan so'ng dunyoning birinchi raketkasiga aylangan edi.

Italiyalik 22 yoshli tennischi ananaga ko'ra dunyoning birinchi raketkalariga topshirib kelinadigan maxsus kubokni qabul qilib oldi. Sinner ATP yoki WTA reytingi peshqadami bo'lgan birinchi italiyalik tennischi hisoblanadi. Undan oldin hech bir italiyalikka bu baxt kulib boqmagandi.

Maxsus Kubokni unga vatandoshi, ATP rahbari Andrea Gaudenci topshirdi. Ushbu marosim Monte-Karlo "Masters" turnirini qabul qiluvchi tennis arenasida bo'lib o'tdi.