Yaponiya - Jahon chempionatining uchinchi ishtirokchisi, navbat bizga keldi

Nafaqat uchinchi yarim finalchi, balki kelasi yili Janubiy Koreyada o'tkaziladigan Jahon chempionatiga Osiyo qitasi nomidan boradigan uchinchi ishtirokchisi ham aniqlandi.

G'oliblik uchun asosiy davogar hisoblanayotgan Yaponiya terma jamoasi guruhdoshimiz Tojikiston yoshlariga hech qanday imkoniyat qoldirmadi. Kunchiqar yurt futbolchilari yon qo'shnilarimiz darvozasiga javobsiz 4ta to'p kiritishdi.

Endi ular yarim finalda Vetnam terma jamoasiga qarshi maydonga tushishadi. Vetnam kecha chorak finalda shov-shuvli tarzda musobaqa mezbonlari – bahraynlik futbolchilarni 1:0 hisobida taslim etishgan edi.

Birozdan so'ng chorak finalning so'nggi juftlik uchrashuvi boshlanadi. Unda O'zbekiston va Eron yoshlar terma jamoalari maydonda saf tortadi. Bu o'yindan so'ng biz JCH-2017ga boradigan so'nggi jamoa nomini bilib olamiz.

Darvoqe, Yaponiya - Tojikiston uchrashuvida nazoratchi vazifasini hamyurtimiz Farhod Abdullaev bajardi. 

YAPONIYA – TOJIKISTON – 4:0 (2:0)

Gollar: Mioshi Koji, 8 (1:0). Doan Ritsu, 18 (2:0). Ogava Koki, 73 (3:0). Yuto Ivasaki, 88 (4:0).

Yaponiya: Kojima Riosuke, Fujitani So, Nakayama Yuta, Tomiyasu Takexiro, Mioshi Koji (Naganuma Yochi, 79), Ogava Koki (Nakamura SHunta, 79), Sakai Daisuke, Doan Ritsu, Ichimaru Mizuki, Funaki Kareru (Xatsure Rio, 76), Yuto Ivasaki.

Tojikiston: Behruz Xayriev, Vaxdat Xanonov, Zoir Jo'raboev, Azimjon Rahmonov (Alisheri Xotam, 90+1), Tabrezi Davlatmir, Dorobjon Ergashev, Karomatullo Saidov (Daler Yodgorov, 60), Nuriddin Hamroqulov (Amirjon Safarov, 80), Exsoni Panjshanbe, Muxsinjon Parpiev, Muhammadjoni Hasan.

Bosh hakam: Fu Ming (Xitoy)

Nazoratchi: Farhod Abdullaev (O'zbekiston)

Komissar: Doan Anx Tuan (Vetnam)