14 okt 11:36
Yangiliklar

Gimnastika

Yaxshi yangilik: 49 yoshli Oksana CHusovitina faoliyatini qayta tikladi! U Rossiyadagi xalqaro musobaqa g'olibiga aylandi

O'zbekistonlik gimnastikachi Oksana CHusovitina Rossiyaning Novosibirsk shahrida o'tkazilgan "Butunrossiya" turnirida g'olib chiqdi.

Sakkiz karra Olimpiada ishtirokchisi bo'lmish hamyurtimiz musobaqaning tayanib sakrash dasturi bo'yicha eng yaxshi natijani qayd etdi.

Oksana "Podgorniy gimnastika markazi"da o'tkazilgan musobaqada ham saralash, ham final bosqichida tengsiz bo'ldi. Birinchi holatda u 13,6 ball, ikkinchisida 13,266 ball to'pladi. Taqdirlash marosimida yurtdoshimiz mahalliy yosh sportchi — Margarita Ivanova bilan shohsupaning eng yuqori pog'onasini baham ko'rdi.

Margarita yakuniy natijalarga ko'ra ikkinchi o'rinni egallagandi, biroq u rossiyalik sportchilar orasida eng yuqori natijani ko'rsatdi (12,616) va oltin medalni qo'lga kiritdi.

SHu tariqa, may oyida jarohat olib, Parij Olimpiadasini o'tkazib yuborgan 49 yoshli CHusovitina faoliyatini qayta tikladi.