Yilqichilik va ot sporti federaciyasi qo'mitasi tarkibida o'zgarish bo'ldi

Yig'ilishda ot sportining mamlakatimizdagi rivoji yo'lida federaciya tomonidan amalga oshirilayotgan ishlar va kelajakdagi rejalar, ushbu sport turini aholi o'rtasida keng ommalashtirish masalalari mutasaddilar tomonidan muhokama etildi.

SHuningdek, Yilqichilik va ot sporti federaciyasi qoshidagi Dressaj (ot yo'rttirish) qo'mitasi faoliyati ham tahlil etilib, qo'mitaga sinov muddati asosida Ibrohim Vohidovich Yuldashev rais etib tasdiqlandi.

Yig'ilish davomida ot sporti yo'nalishlarini rivojlantirish va o'quv mashg'ulotlarni O'zbekiston Respublikasi Sog'liqni saqlash vazirligi va Xalqaro ot sporti federaciyasi Kengashining qoidalari va tavsiyalariga rioya qilgan holda o'tkazish borasidagi rejalar ham muhokama qilindi.

Yakunda Dressaj qo'mitasi kun tartibida bo'lgan masalalar o'rganilib, mutasaddilar tomonidan mamlakatimizda ushbu yo'nalishni rivojlantirish bo'yicha alohida chora-tadbirlar ishlab chiqishga kelishib olindi.

Jismoniy tarbiya va sport vazirligi Matbuot xizmati