Yoqubboev ikki karra O'zbekiston chempioni, shoxsupada 100 foiz yoshlar!

Aylana tarzda o'tkazilgan musobaqada 5 nafar xalqaro grossmeyster - Nodirbek Abdusattorov (2550, chempionatning birinchi raqamli ishtirokchisi), Saydali Yo'ldoshev (2469), Marat Jumaev (2451), Aleksey Barsov (2411) va Toxir Vohidov (2400) dona surgan bo'lsada, yakunda shoxsupadan yoshlar o'rin egallashdi. 

So'nggi o'n uchinchi turda 16 yoshli shaxmatchi chempionat peshqadami Nodirbek Yoqubboev partiya o'tkazmay turib g'alabaga erishdi. Uning raqibi dunyoning eng yosh ikkinchi grossmeysteri Nodirbek Abdusattorov betob bo'lib qolganligi sababli uchrashuvni o'tkaza olmadi. Natijada Yoqubboevga texnik g'alaba yozildi. 

O'n uch imkoniyatdan 9,5 ochko jamg'argan Yoqubboev O'zbekiston chempioniga aylandi. Nodirbek 2016 yilda ham mamlakat chempioni bo'lgan edi. Yigirma olti yoshga to'lgan Nikita Xoroshev 9 ochko bilan kumush, 13 yoshli Javohir Sindarov 8,5 ochko bilan bronza medaliga sazovor bo'ldi. SHoxsupaga tajribali grossmeysterlarni ortda qoldirgan yosh shaxmatchilarning ko'tarilgani etiborga molik holat.