Yoshlar Para Osiyo o'yinlarida paralimpiya sportchilarimiz yana 9ta medalni qo'lga kiritdilar

Jumladan engil atletika sport turida 200m. masofaga yugirish bo'yicha Suxanova Sabina 30.01 natijasi bilan oltin medalni, shu masofada erkaklar o'rtasida kechgan baxsda yana bir xamyurtimiz Pashaev Damir 24.15 natijasi bilan kumush medalini qo'lga  kiritdi hamda 800m. masofaga bo'lgan yugirishda barcha raqiblaridan ustun kelib, oltin medalga sazovor bo'ldi. Yana 2ta oltin melalni yadro otish bo'yicha Rixsimov Muxammad (11.42) xamda ayollar o'rtasida Ergasheva Roziyaxon (7.78) natijalari bilan qo'lga kiritdilar. Nayza otish baxslarida esa paralimpiya sportchimiz Odilov Yorqinbek nayzani 31.02 m.ga otib, oltin medali soxibiga aylandi. Suzish sport turida Rio-2016 Paralimpiya o'yinlari chempioni Fotima Amilova  200m. masofani 02:36.95 soniyada suzib o'tib, birinchi o'rinni egalladi. Pauerlifting sport turida esa 2ta bronza medalini 59kg vazn toifasida Raximjonov Abbosxon (94kg.) xamda 88kg vazn tofasida Xujaxonov Muxammadxon (98kg.)lar kiritdilar.

SHu kunga qadar O'zbekiston Milliy Paralimpiya terma jamoasi sportchilari 15ta oltin , 3ta kumush va 2ta bronza, jami 20ta medalni naxt qilib qo'ydilar. Umumjamoa xisobida esa 30ta Osiyo mamlakatidan kelgan 800ta sportchilar orasida 4-o'rinni egallab kelmoqda.

Paralimpiya associaciyasi matbuot xizmati