07 dek 18:18
Yangiliklar

SHaxmat

Yoshlarimiz Rossiyadagi shaxmat musobaqasida g'oliblar qatoridan joy oldi

Teglar : SHaxmat

O'zbekiston yosh shaxmatchilari Nodirbek Abdusattorov va Nodirbek Yoqubboev Rossiyaning Sochi shahrida o'tkazilayotgan maktab o'quvchilari o'rtasidagi jahon chempionati doirasida tashkil etilgan blic – tezkor shaxmat musobaqasida munosib ishtirok etdi.

SHveycarcha tizimda etti turdan iborat musobaqada yigirmaga yaqin davlatdan 190 shaxmatchi g'oliblik uchun bahslashdi.

Iqtidorli shaxmatchimiz, FIDE ustasi Nodirbek Abdusattorov kolumbiyalik Luiza Fernanda Dias, hindistonlik Rishab SHoh, mo'g'ulistonlik Xosbayar Xangal, rossiyalik shaxmatchilar Genrix Rolgeyzer va Daniil Golikov, turkmanistonlik Saparmurod Otaboevni mag'lubiyatga uchratib, turkiyalik Bahodir Ozen bilan durang o'ynadi.

Nodirbek Yoqubboev esa rossiyalik Artyom Dumanyan, turkmanistonlik shaxmatchilar Olloyor SHirliev, Sulton Murodov, Saparmurod Otaboev, qozog'istonlik Kazbek Nogerbek va SHri-Lanka vakili Tilakartne ustidan g'alaba qozonib, turkmanistonlik Farxan Kazimov bilan durang natija qayd etdi.

Etti partiyada 6,5 ochkodan jamg'argan Nodirbek Abdusattorov birinchi, turkiyalik Bahodir Ozen ikkinchi va Nodirbek Yoqubboev uchinchi o'rinni egalladi.

Havola :

Manba : UzA

Reyting: