“Yoshlik”da yosh basketbolchilar bellashdi

Xorazm viloyati Jismoniy tarbiya va sport boshqarmasiga qarashli Sport o'yinlari va engil atletikaga ixtisoslashtirilgan bolalar-o'smirlar sport maktabi (SO'EAIBO'SM) tomonidan O'zbekiston Respublikasi Prezidentining 2020 yil 30 oktyabrdagi “Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida”gi farmoni ijrosini taminlash, aholining turli qatlami, xususan, yoshlarni jismoniy tarbiya va sportga keng jalb qilish maqsadida tegishli ishlar amalga oshirilmoqda. 

Urganch shahridagi “Yoshlik” sport majmuasi manejida 8 dekabr -O'zbekistonRespublikasi Konstituciyasi kuniga bag'ishlab basketbol bo'yicha tashkil etilgan ochiq birinchilir ham ana shu say-harakatlar  samarasi sanaladi. 

Mazkur musobaqada SO'EAIBO'SMning “Do'stlik-1” jamoasi (murabbiyi SH.Bobojonov) g'oliblikni qo'lga kiritdi. Ikkinchi o'rinni Urganch tumani jamoasi (murabbiyi S.Hasanova) egallagan bo'lsa, uchinchi o'rinni Xonqa tumani jamoasi (murabbiyi A.Rajabboev) band etdi.

Ayni damda mazkur mahorat maskanida qutlug' ayyom munosabati bilan sportning boshqa turlari bo'yicha ham musobaqalar o'tkazilmoqda.

Ikrom XUDOYBERGANOV, Urganch shahridan