Yozyovonda belbog'li kurash bo'yicha O'zbekiston Kubogi o'tkazildi

Sport vazirligi hamda Belbog'li kurash federaciyasining yillik-taqvimidagi mazkur O'zbekiston kubogi musobaqalarida mamlakatimizning barcha hududlaridan 400 nafardan ziyod polvon ishtirok etdi.

Musobaqada o'smirlardan Alimuhammad Nurmahmatov (Farg'ona), Temur Nematullaev (Namangan), Asiya Turdibekova (Qoraqalpog'iston) singari yosh sportchilar o'z vazn toifalarida oltin medalni qo'lga kiritishdi. 

Kattalar o'rtasida kechgan murosasiz va qiziqarli kurashlarda Jumadulla Isroilov (Toshkent v.), Ilyosbek Yuldoshev (Andijon), Davron Abdurahmonov (Farg'ona), Zeboxon Nosirova (Namangan), Nasiba Akbarova (Farg'ona) kabi polvonlar o'z vazn toifalarida barcha raqiblaridan ustun kelib, g'oliblikni tantana qilishdi. 

Bellashuvlar so'nggida g'olib va sovrindorlar diplom, medal va esdalik sovg'alari bilan taqdirlanishdi. 

Ilhom RAHMONOV tayyorladi