Yuksak aql sohibi bo'lgan o'quvchi-yoshlar Sirdaryoda jamlanmoqda

SHaxmat va shashka bo'yicha o'tkaziladigan musobaqada yurtimizning barcha hududlaridan akademik licey va professional talim muassasalari o'quvchi-yoshlari ishtirok etishadi.

200 nafarga yaqin umidli sportchilarni o'zida jam qiluvchi ushbu musobaqa respublika final bosqichi dasturidan o'rin olgan o'n uchinchi musobaqa hisoblanadi.

Bugundan sportchi yoshlar o'g'il bolalar va qizlar toifasida musobaqalarda o'z ishtirokini boshlashadi. Turnir yakunida g'olib va sovrindorlar tashkilotchilar tomonidan qimmatbaho sovg'alar bilan taqdirlanadi.

Malumot uchun, “Barkamol avlod” sport o'yinlarining respublika final bosqichi doirasidagi eng so'nggi musobaqa – stol tennisi bo'yicha bo'lib o'tadi.