Yunon-rum kurashi. Bugun Jahon Kubogi boshlanadi

Qura natijasiga ko'ra “V” guruhidan Ukraina, Turkiya, Belarus va Ozarbayjon terma jamoalari joy olishgan. “A” kvartetidan esa Rossiya, Qozog'iston, Eron va Germaniya yunon-rum kurashi terma jamoalari o'rin egallashdi.

O'zbekiston terma jamoasi reyting ko'rsatkichlariga ko'ra sakkiztalikka kiri olmagan. Guruh bosqichi g'oliblari finalga yo'llanma olishadi. Ikkinchi o'rin egalari esa bronza medali uchun bahslarga kirishishadi.

Uchinchi pog'onani band etganlar 5-o'rin uchun, guruh autsayderlari 7-o'rin uchun bahslarda ishtirok etishadi.