08 jan 18:39
Yangiliklar

Futbol

"Yuventus" SHomurodovni ijaraga olmoqchi

"Jenoa" hujumchisi Eldor SHomurodov "Yuventus" qiziqishlariga sabab bo'layotgani haqida xabar bergan edik.

Takidlanganidek, klub ispaniyalik hujumchi Alvaro Morataga o'rinbosar qidirmoqda.

Morata 2020 yilning so'nggida jarohat olgan edi va yangi yilda ham "Yuventus"ning ikki o'yinini o'tkazib yubordi. SHu sabab "keksa sinora" menejeri Fabio Paratichi o'zbekistonlik o'yinchi variantini ko'rib chiqmoqda.

Turinliklar 25 yoshli futbolchini to'laqonli sotib olishni ko'rib chiqishmayapti, sababi koronavirus pandemiyasi sabab klubda transferlar uchun byudjet masalasi yaxshi holatda emas. Qayd etish kerakki, "Yuve" SHomurodov variantida qolsa, u qishki transferlar oynasidayoq klub safiga borib qo'shiladi.