Zangiotada kursantlar o'rtasida musobaqa o'tkazildi

O'zbekiston Respublikasi Vazirlar Mahkamasi tomonidan 2019 yil 28 dekabrda o'tkazilgan videoselektor yig'ilishida berilgan topshiriqlar ijrosini taminlash hamda O'zbekiston Respublikasi Jismoniy tarbiya va sport vazirining yosh sportchilar o'rtasida vatanparvarlik tuyg'usini yanada yuksaltirish maqsadida yosh sportchilar va harbiylar o'rtasida uchrashuvlar tashkil etish to'g'risidagi buyrug'iga asosan o'tkazilgan mazkur musobaqa ishtirokchilarda katta taassurot qoldirdi. 

Toshkent viloyati jismoniy tarbiya va sport boshqarmasi, tuman jismoniy tarbiya va sport bo'limi hamda Zangiota tuman bolalar-o'smirlar sport maktabi tashabbusi bilan tashkil etilgan musobaqada harbiy bilim yurtida tahsil olayotgan kursantlar startga chiqdi. Ushbu bellashuvlarda ishtirokchilar 25, 50 va 100 metr masofaga erkin usulda suzish bo'yicha o'z omadlarini sinovdan o'tkazishdi. 

Murosasiz va ko'tarinki ruhda o'tgan musobaqa yakunida g'oliblar tashkilotchilar tomonidan diplom va esdalik sovg'alari bilan taqdirlanishdi.

Ilhom RAHMONOV tayyorladi