Zarrux Adashev mag'lubiyatiga izoh berdi

Oqshom doirasidagi janglarning birida hamyurtimiz Zarrux Adashev o'zining promoushendagi ikkinchi jangini o'tkazdi va afsuski, bu safar ham mag'lubiyat alamini totib ko'rdi. 

Adashev uch raundga mo'ljallangan jangda xitoylik Su Maduerjiga 28-29, 28-29, 27-30 hisoblarida imkoniyatni boy berib qo'ydi. UFC Fight Night turniridagi ishtirokidan so'ng jangchimiz mag'lubiyatiga shunday izoh berdi.  

"O'zimni hech qanaqasiga oqlamoqchi emasman. Raqibim bugun mendan chindan ham kuchli edi. Lekin men hech qachon taslim bo'lmayman va ishlashda davom etaman. O'z kelajagim uchun kurashaman. Yanada ko'proq ishlayman. Kechagi jang buni ko'rsatdi. Insha Alloh o'z oldimga qo'ygan maqsadga erishaman. Fursatdan foydalanib, meni shu jangga tayyorlagan murabbiylarim, menga ishongan barcha yaqinlarimga minnatdorchilik bildiraman. Muxlislardan esa kechagi mag'lubiyat uchun uzr so'rayman", - dedi Adashev.