31 okt 17:19
Yangiliklar

Tennis

Zverev Yakuniy ATP chempionatidagi ishtirokini naqd qildi

Dunyoning ettinchi raketkasi Aleksandr Zverev yilning Yakuniy ATP turnirida qatnashadigan bo'ldi.

Germaniyalik tennischi Parij "Masters" turniridagi muvaffaqiyati sabab Yakuniy turnirdagi ishtirokini kafolatlagan. Nitto ATP Finals turniri 10-17 noyabr kunlari Buyuk Britaniyaning London shahrida o'tkaziladi.

"Londondagi Yakuniy turnirda qatorasiga uchinchi yil ham o'ynashimdan xursandman. O'tgan mavsumda men Londondagi turnirda zafar quchgandim. O'sha musobaqadan ajoyib taassurotlar qolgan", - deya Zverevning so'zlaridan iqtibos keltirmoqda ATR matbuot xizmati.

Eslatib o'tamiz, Zverevga qadar dunyoning sakkiz nafar eng kuchli tennischisi qatnashadigan Nitto ATP Finals turniridagi ishtiroklarini Rafael Nadal, Novak Jokovich, Rojer Federer, Daniil Medvedev, Dominik Tim va Stefanos Cicipaslar kafolatlashgan edi.