Parij-2024 licenziatlari: O'zbekistonlik birinchi “Brilliant liga” g'olibi Safina Sadullaeva

Tokio-2020 yozgi Olimpiya o'yinlarida oltinchi natijani qayd etgan yurtdoshimiz Parij-2024 da yanada baland marralarni ko'zlagan.

Sadullaeva Safina Erkinovna 1998 yil 4 mart kuni Sirdaryo viloyatida dunyoga kelgan. 2015 yildan engil atletikaning balandlikka sakrash yo'nalishi bo'yicha O'zbekiston terma jamoasi sharafini himoya qilib keladi. Murabbiyi Alim Ahmedjanov. Hamyurtimizning xalqaro maydondagi ilk muvaffaqiyati 2015 yilga to'g'ri kelib, unda Safina Qatar mezbonlik qilgan o'smirlar o'rtasidagi qita chempionatida g'alaba qozongan. 

2017 yil Turkmanistonda Jang sanati va yopiq inshootlardagi Osiyo o'yinlarida kumush, Konya-2021 Islom birdamligi o'yinlari va Xanchjou-2022 yozgi Osiyo o'yinlarida oltin medallarga ega chiqdi. SHaxsiy rekordi – 1.97 metr. 2022 yil Polshada “Brilliant liga”da oltin medalni qo'lga kiritib, mazkur nufuzdagi turnirda g'alaba qozongan ilk o'zbekistonlik atletga aylangan. Ko'rsatgan natijalari evaziga “SHuhrat” medali bilan taqdirlangan.

Sadullaeva Butunjahon engil atletika federaciyasi (World athletics) tomonidan elon qilingan reyting yakuniga ko'ra, balandlikka sakrash dasturida Parij-2024 yozgi Olimpiya o'yinlari ishtirokchisiga aylandi.