12 okt 13:12
Yangiliklar

Tennis

15 yoshli Goff 15 yil oldin Toshkentda o'rnatilgan rekordni yangiladi

Sayyoramizning 110-raketkasi 15 yoshli Kori Goff Avstriyaning Linc shahrida o'tkazilayotgan WTA turnirining yarim finaliga yo'l oldi.

Amerikalik yosh iqtidor egasi Upper Austria Ladies Linz turnirining chorak finalida gollandiyalik Kiki Bertensni 7/6(1), 6/4 hisobida mag'lub etishning uddasidan chiqdi. Bertens dunyo reytingida 8-o'rinni egallab turgani etiborga molik holat. Turnir shov-shuviga aylangan uchrashuv 1 soatu 36 daqiqa davom etgan.

Bu tennischilarning o'zaro o'tkazgan ilk uchrashuvi edi. Bugun Goff yarim finalda germaniyalik Andrea Petkovichga qarshi kortga chiqadi. Kori 2004 yildan beri WTA turnirlarida yarim finalga chiqqan eng yosh tennischiga aylandi. Bundan 15 yil avval "Toshkent Open-2004" turnirida Nikol Vaydishova yarim finalga etib kelgan eng yosh tennischiga aylangandi. O'shanda Nikol 15 yoshu 177 kunlik edi.