27 jan 09:11
Yangiliklar

Tennis

18 yoshli tennischimiz Qozondagi turnir g'olibiga aylandi + FOTO

Rossiya Federaciyasining Qozon shahrida tennis bo'yicha "Fyuchers" turkumiga kiruvchi turnir yakunlandi.

Mukofot jamg'armasi 15 000 AQSH dollarini tashkil qiluvchi xalqaro turnirda hamyurtimiz Sergey Fomin ham muvaffaqiyatli ishtirok etdi. Bir necha kundan so'ng 19 yoshga to'ladigan istedodli tennischimiz yakkalik bahslarida bosh sovrin sohibiga aylandi.

Sergey Fomin hal qiluvchi final uchrashuvida turnirning ikkinchi saralangan tennischisi rossiyalik Evgeniy Tyurnevga qarshi kortga chiqdi va kuchli raqibini 6:4, 3:6, 6:3 hisobida mag'lub etdi. Bu Fominning faoliyatidagi ikkinchi ITF sovrini bo'ldi.