3 nafar tennischiimiz "M25 Nur-Sultan" turnirini g'alaba bilan boshladi

Biroz avval turnirda ishtirok etayotgan tennischilarimiz Humoyun Sultonov, Sanjar Fayziev, Sergey Fomin 1/8 finaldagi uchrashuvlarini yakunlashdi.

Mamlakatimizning ikkinchi raketkasi Humoyun Sultonov mezbon tennischi Denis Evseev bilan qozog'istonlik Sagadat Ayyap va Erassil Erdilda juftliga qarshi kechgan uchrashuvda 6/4, 6/4 hisobida g'alaba qozondi.

Mezbonlar vakili Dostanbek Tashbulatov bilan tandemda qatnashayotgan Sergey Fomin zimbabvelik Benjamin Lok va Jon Lok sherikligiga qarshi kortga chiqib raqiblarini 6/4, 4/6, 10/2 hisobida mag'lub etdi. 

Sanajar Fayziev esa greciyalik Markos Kalovelonis bilan juftlikda ishtirok etmoqda. Bugun ular mezbon tennischilar Nikita Sidorov/ Oleg Sirovatskiyga hech qanday imkon bermadi – 6/0, 6/0.