Abdumalik Xalokov vazn toifasidan qati nazar dunyoning eng yaxshi havaskor bokschilari reytingi peshqadami!

Rasman Ozarbayjon sharafini himoya qilayotgan 2023 yilgi jahon chempionatining kumush medali sovrindori Saidjamshid Jafarovni BoxRec portali hamon O'zbekiston bokschisi sifatida ko'rsatmoqda. Buxorolik charm qo'lqop ustasi Top-10`talikdagi beshinchi o'zbekistonlik bokschi sifatida ko'rsatilgan. 

BoxRec reytingining asosiy xususiyati shundaki, ular hech qanday inson omili, hakamlarning tarafkashligi yoki boks tashkilotlarining qarorlarisiz, maxsus matematik algoritm yordamida to'liq avtomatik tarzda shakllantiriladi.

Ayni damda havaskorlar o'rtasida vazn toifasidan qati nazar dunyoning eng yaxshi bokschisi — 2024 yilgi Olimpiada chempioni, ikki karra jahon chempioni Abdumalik Xalokov hisoblanadi. IBA talqini bo'yicha 2025 yilgi jahon chempionati finalida rossiyalik Vsevolod SHumkovdan (u ushbu ro'yxatda uchinchi o'rinda) mag'lubiyatga uchraganiga qaramay, u baribir etakchi bo'lib qolmoqda.

Umuman olganda, BoxRec Top-10`talikka O'zbekistondan naqd besh nafar bokschini kiritgan. 

Xalokovdan tashqari ro'yxatdan quyidagilar joy oldi:

2025 yilgi jahon chempioni Fazliddin Erkinboev (5-o'rin)

2025 yilgi jahon chempioni To'rabek Habibullaev (7-o'rin)

2024 yilgi Olimpiada chempioni, uch karra jahon chempioni Asadxo'ja Mo'ydinxo'jaev (8-o'rin)

2023 yilgi jahon chempionati kumush medali sovrindori Saidjamshid Jafarov (10-o'rin)

Havaskorlar o'rtasidagi P4P (vazn toifasidan qati nazar) reytingining kuchli o'ntaligiga faqat bir nafar qozog'istonlik bokschi kirdi. Ablayxan Jusupov o'tgan yili IBA talqini bo'yicha jahon chempioni bo'lgan, 2026 yil iyun oyida esa World Boxing shafeligidagi Jahon kubogining ikkinchi bosqichi g'olibi bo'ldi. Hozircha u ushbu ro'yxatda to'qqizinchi o'rindan joy olgan.