Abduraimova Florida turniridagi ishtirokini yakunladi

Hamyurtimiz AQSHning Florida shtati Daytona Bich shahrida davom etayotgan “Fyuchers” turkumiga kiruvchi musobaqaning ham yakkalik, ham juftlik bahslarida o'z imkoniyatini sinovdan o'tkazdi. Musobaqaning sovrin jamg'armasi 25 000 AQSH dollarini tashkil qiladi.

Abduraimova yakkalikning ilk davrasida musobaqaning ikkinchi raketkasi norvegiyalik Ulrikke Elkeriga 3:6, 1:6 hisobida imkoniyatni boy berib qo'ydigan. Kecha u juftlik musobaqasida kortga chiqdi.

Hamyurtimiz Xitoy Taypeyi vakilasi CHin-Ven Xsu bilan tandem hosil qilgandi. Ular ilk bosqichda Ulrikke Elkeri hamda belaruslik Ilona Kremen tandemiga 3:6, 6:7(7) hisobida mag'lub bo'lishdi.