Abduraimova Germaniyadagi turnirda kortga chiqdi

Sovrin jamg'armasi 25 000 AQSH dollarini tashkil qiluvchi musobaqada ikki hamyurtimiz ham ishtirok etyapti. Nigina Abduraimova yakkalik bahslarining asosiy to'rida, tajribali Albina Xabibulina esa juftlik turnirida o'z imkoniyatini sinovdan o'tkazmoqda. 

Hozirgina yakuniga etgan ilk davra uchrashuvida Abduraimova turnirning ettinchi raketkasi belaruslik Olga Govorcovaga qarshi kortga chiqdi va 1 soatu 6 daqiqada kuchli raqibasiga 1:6, 2:6 hisobida imkoniyatni boy berib qo'ydi. Xabibulina esa qirg'izistonlik Kseniya Palkina bilan birga juftlik bahsini g'alaba bilan boshladi.