19 dek 10:09
Yangiliklar

Tennis

Abduraimova Mumbaydagi ishtirokini g'alaba bilan boshladi

SHu kunlarda Hindistonning Navi Mumbay shahrida tennis bo'yicha "Fyuchers" turkumiga kiruvchi turnir bo'lib o'tmoqda.

Sovrin jamg'armasi 25 000 AQSH dollarini tashkil etuvchi musobaqada hamyurtimiz Nigina Abduraimova ham ishtirok etyapti. Mamlakatimizning ikkinchi raketkasi asosiy to'rning ilk davrasida g'alabaga erishdi.

Abduraimova amerikalik Anastasiya Nefedovaga qarshi kortga chiqib, raqibasini ortiqcha qiyinchiliksiz - 6:1, 6:2 hisobida mag'lub etdi. Endi Nigina chorak final chiptasi uchun gruziyalik Maryam Bolkvadzega qarshi bahs olib boradi. Bolkvadze turnirning oltinchi raketkasi, ukrainalik Valeriya Straxovadan ustun keldi - 6:2, 6:2.