28 noy 09:39
Yangiliklar

Tennis

Abduraimova Tailanddagi turnirda chorak finalga chiqdi

Tailandning Nontaburi shahrida tennis bo'yicha ayollar o'rtasida mukofot jamg'armasi 15 000 AQSH dollarini tashkil etuvchi turnir davom etmoqda.

“Fyuchers” turkumiga kiruvchi musobaqada hamyurtimiz Nigina Abduraimova ham ishtirok etmoqda. U hozirgina yakuniga etgan ikkinchi davra uchrashuvida g'alabaga erishdi.

Abduraimova 1 soatu 50 daqiqa davom etgan bahsda amerikalik Tira Blekni 6:2, 7:6(5) hisobida mag'lub etdi va chorak finalga yo'l oldi. Endi Nigina chorak finalda turnirning birinchi raketkasi, xitoylik Meyki Guoga qarshi kortga chiqadi. Bugun Guo rossiyalik Erika Andreevaga hech qanday imkoniyat qoldirmadi - 6:0, 6:0.