27 iyu 18:49
Yangiliklar

Tennis

Abduraimova Vuxanda to'rtinchi raketkani mag'lub etdi

Mamlakatimizning birinchi raketkasi Nigina Abduraimova Xitoyning Vuxan shahrida o'tkazilayotgan turnirdagi ishtirokini muvaffaqiyatli davom ettiryapti.

Musobaqaning mukofot jamg'armasi 50 ming AQSH dollarini tashkil etadi. Hamyurtimiz hozirgina yakuniga etgan ikkinchi davra uchrashuvida xitoylik tennischi Ksinyun Xanni mag'lub etdi.

Ikki soatu 18 daqiqa davom etgan bahsda Nigina turnirning to'rtinchi raqamli tennischisi bo'lgan Xandan 5:7, 6:2, 6:0 hisobida ustun keldi. Endi Abduraimova polshalik taniqli tennischi Ursula Radvanskaga qarshi kortga chiqadi.