02 may 10:53
Yangiliklar

Tennis

Abduraimova Ximkidagi turnirda kortga chiqdi

Mamlakatimizning ikkinchi raqamli tennischisi Nigina Abduraimova Rossiyaning Ximki shahrida o'tkazilayotgan turnirda ishtirok etyapti.

O1 Properties Ladies Cup 2018 musobaqasining sovrin jamg'armasi roppa-rosa 100 000 AQSH dollarini tashkil qiladi. Hamyurtimiz turnirning yakkalik bahslari ilk davrasida rossiyalik Evgeniya Rodinaga qarshi kortga chiqdi.

Rodina dunyo reytingida 119-o'rinni egallab turgan bo'lib, Ximki turnirida uchinchi raqam ostida harakat qilyapti. Abduraimova esa 311-pog'onadan joy olgan. Uchrashuvda 29 yoshli Rodina 6:2, 7:5 hisobida zafar quchib, ikkinchi davraga yo'l oldi.