07 dek 10:04
Yangiliklar

Tennis

Abduraimovadan kambek, u Tailand turniri finalida!

Tailandning Nontaburi shahri mezbonlik qilayotgan tennis bo'yicha ayollar o'rtasidagi “Fyuchers” turniri o'zining hal qiluvchi pallasiga kirdi.

Mukofot jamg'armasi 15 000 AQSH dollaridan iborat turnirda o'zbekistonlik tennischi Nigina Abduraimova ham muvaffaqiyatli tarzda ishtirok etyapti. Hamyurtimiz hozirgina yakuniga etgan 1/2 final uchrashuvida irodali g'alabaga erishdi.

Nigina 1 soatu 50 daqiqa davom etgan bahsda turnirning uchinchi raketkasi, xitoylik E Ksin Mani 4:6, 6:1, 6:4 hisobida mag'lub etib, finalga yo'l oldi. Ikkinchi yarim final uchrashuvi birozdan so'ng boshlanadi. Unda asosiy to'rga saralash bahslari orqali etib kelgan Xitoy va Xitoy taypeyilik tennischilar o'zaro munosabatlariga oydinlik kiritib olishadi.