Abror Atabaev oltin, qolgan to'rt kurashchimiz bronza uchun gilamga chiqadi

Bugungi dastur doirasida yunon-rum kurashi bo'yicha beshta vazn toifasida g'olib va sovrindorlar nomi malum bo'ladi. Ravshan Ro'ziqulov bosh murabbiyligidagi yunon-rum kurashchilarimizdan besh nafari kechki dasturda medallar uchun gilamga chiqadigan bo'ldi. 

67 kg vaznda yurtimiz sharafini himoya qilayotgan Abror Atabaev 1/4 finalda qozog'istonlik Sultan Assetulini 9-0, 1/2 finalda esa eronlik taniqli polvon, amadagi jahon chempioni Meysam Dalxanidan so'nggi soniyalardagi ball evaziga mag'lubiyatga uchratdi. Abrorning oltin medal uchun bahsdagi raqibi gruziyalik Joni Xetsuriani bo'ladi. 

60 kg vazn toifasida bir yo'la ikki nafar kurashchimiz Ilhom Bahromov va Muhammadqodir Yusupov ishtirok etyapti. Qizig'i, ular kechki dasturda o'zaro uchrashuvda bronza medali taqdirini hal qilishdi. 

SHuningdek, Jalgasbay Berdimuratov, Rustam Assakalov va yarim finalda hakamlar qarori qurboniga aylangan Jasurbek Ortiqboev ham bronza medali uchun kechaligan bellashuvda gilamga chiqadi.    

Medal uchun gilamga chiqadigan kurashchilarimiz:

Oltin medal uchun

67 kg: Abror Atabaev - Joni Xetsuriani 

Bronza medal uchun 

55 kg: Jasurbek Ortiqboev - Giorgi Toxadze (Gruziya)

60 kg: Ilhom Bahromov - Muhammadqodir Yusupov 

87 kg: Jalgasbay Berdimuratov - Nursultan Tursinov (Qozog'iston)  

97 kg: Rustam Assakalov - Umalt Daudov (Qozog'iston)