08 jan 16:20
Yangiliklar
Tennis
Adelaide International. Paula Badosa "pishdi"
Avstraliyaning Adelaida shahrida tennis bo'yicha WTA 500 toifasiga kiruvchi turnir bo'lib o'tmoqda.
Dunyoning 12-raketkasi Paula Badosa kutilmaganda ikkinchi davradayoq mag'lubiyat alamini totib ko'rdi. Ispaniyalik tennis malikasi WTA reytingida 54-pog'onada borayotgan amerikalik Eshlin Kryugerga qiyin kechgan uchrashuvda uch set natijasiga ko'ra imkoniyatni boy berib qo'ydi - 6/7(4), 7/6(4), 2/6.
Eshlin bu g'alabasi evaziga tennischilarning o'zaro uchrashuvlaridagi hisob muvozanatini tiklab qo'ydi - 1:1. Ikki soatu 31 daqiqa davom etgan bahsda Badosa 4, Kryuger 5 ta eys zarbasini amalga oshirgan. Endi u Adelaide International turnirining 1/4 finalida vatandoshi Jessika Pegulaga qarshi kortga chiqadi.
Havola :
Manba : gotennis
Fikrlar