Adham Ikramov Samarqanddagi infratuzilmani yanada yaxshilash bo'yicha ko'rsatma berdi

SHaharda yaratilgan infratuzilma natijasida ko'plab nufuzli xalqaro musobaqalar o'tkazilyapti. Sportni rivojlantirish vaziri Adham Ikramov Samarqand viloyatida xizmat safari bilan bo'ldi. 

Malumki, ushbu viloyatda 2 ta Olimpiya va Paralimpiya o'yinlariga tayyorlash markazi mavjud bo'lib, ularda dzyudo bo'yicha jahon chempioni Davlat Bobonov kabi ko'plab istedodli yoshlar etishib chiqmoqda.

Ayni kunlarda ushbu viloyatda ham yoshlarimiz orasida ommaviy sport targ'ibotini kuchaytirish yo'lida tashkil etilgan "Besh tashabbus Olimpiadasi"ning tuman(shahar) bosqichini o'tkazishga tayyorgarlik ketmoqda. Sportni rivojlantirish vaziri musobaqani yuqori saviyda va shaffof o'tkazish, ishtirokchilar uchun barcha sharoitlarni yaratish haqida alohida to'xtaldi.

Adham Ilhamovich tashrif davomida hududdagi sport infratuzilmasini yanada yaxshilash, mavjud imkoniyatlardan maksimal foydalanish, selekciya ishlarini kuchaytirish bo'yicha mutasaddilarga tegishli ko'rsatma berdi.