Afruza FIDE reytingida 14-o'rinda, Umida esa 51 pog'ona pastladi

Jumladan, 20 yoshgacha bo'lgan shaxmatchi qizlar reytingi ham yangilandi. Yanvar oyi uchun mo'ljallangan Top-100 reytingidan o'tgan oyda bo'lgani singari 2 nafar o'zbekistonlik shaxmatchi qizlar joy olishdi. Faqat farqi shundaki, ular dekabr oyi reytingida Top-30`talikka kirishgandi. 

Afruza Hamdamova (2327) o'tgan oy bilan taqqoslaganda, bir pog'ona yuqorilab, 14-o'rinni egallab turibdi. 14 yoshli shaxmatchi qizimiz dekabr oyida Italiyada bo'lib o'tgan yoshlar o'rtasidagi jahon birinchiligida mamlakatimiz tarixida ilk bor jahon chempioni degan unvonga sazovor bo'lgandi. 

Yana bir istedodli shaxmatchimiz Umida Omonova (2124) esa 79-pog'onaga tushib ketdi. U o'tgan oyda 2257 punkt ball bilan reytingning 28-pog'onasidan joy olgan edi. 

Yigirma yoshgacha bo'lgan shaxmatchi qizlar reytingida Bibisara Assaubaeva (Qozog'iston, 2472) peshqadamlikni saqlab qoldi. Hindistonlik Sarayu Velpula (2444) ikkinchi o'rinni egallagan bo'lsa, rossiyalik Leya Garifullina (2422) uchinchi o'ringa ko'tarilib oldi. U o'tgan oy reytingida 4-o'rinda qayd etilgandi. 

FIDE 20 yoshgacha shaxmatchi qizlar reytingi (Top-10):

1. Bibisara Assaubaeva (Qozog'iston, 2472)

2. Sarayu Velpula (Hindiston, 2444)

3. Leya Garifullina (FIDE, 2422)

4. Diviya Deshmuh (Hindiston, 2420)

5. Yuksin Song (Xitoy, 2405)

6. Meruert Kamalidenova (Qozog'iston, 2381)

7. Elin Roybers (Niderlandiya, 2381)

8. Alise Li (AQSH, 2379)

9. SHri Savitha (Hindiston, 2363)

10. Yi Ning CHen (Xitoy, 2363)

O'zbek shaxmatchilarining reytingdagi o'rni:

14. Afruza Hamdamova (2327)

79. Umida Omonova (2124)