04 sen 18:47
Yangiliklar

Qishki sport turlari

Ajoyib debyut! Geynish va CHigirev juftligi qisqa dasturda ikkinchi o'rinni egalladi

Malum qilganimizdek, bugun tongda AQSHning Nyu-York shahrida figurali uchish bo'yicha "CHellenjer" turkumidagi "John Nicks Pairs Challenge International" musobaqasi boshlandi.

Juftlik yo'nalishida o'tkazilayotgan musobaqada O'zbekiston terma jamoasi azolari Ekaterina Geynish hamda Dmitriy CHigirev ham ishtirok etmoqda. Bu ularning terma jamoamiz safidagi ilk musobaqasi.

Turnir reglamentiga ko'ra, bugun tongda qisqa dastur bellashuvlari o'tkazildi. Unda Geynish va CHigirev bilan bir qatorda 8 ta davlatning 14 juftligi bahs olib bordi.

Etiborlisi, dastur yakuniga ko'ra, sportchilarimiz 64.62 ball bilan ikkinchi o'rinni egallashdi. Birinchi o'rin esa AQSH vakillari Elli Kem va Denni O'SHiga nasib etdi (67.46). Kuchli uchlikni italiyalik Rebekka Gilardi va Filippo Ambrozini (64.61) yakunlab berdi.

Bugun musobaqa doirasida erkin dastur tashkil etiladi.