Aleksandr Povetkin doping sabab to'rt yilga diskvalifikaciya qilindi

Bu haqda tashkilot matbuot xizmati xabar berdi.

"Surishtiruv natijasida 2014 yilda Povetkin tomonidan topshirilgan namunada taqiqlangan ostarin moddasi aniqlandi. Ostarin – androgen receptorlarining selektiv modulyatori bo'lib, u mushak massasini oshirish va jismoniy imkoniyatlarni kuchaytirish uchun sportchilar tomonidan keng qo'llaniladi.

Sportchi bu holat haqida xabardor qilinganidan so'ng, shikoyat qilmaslikka qaror qildi. ITA 2024 yil 21 oktyabrdan 2028 yil 20 oktyabrgacha bo'lgan davrda Povetkinni to'rt yilga diskvalifikaciya qilish haqida qaror chiqardi", — deyiladi ITA bayonotida.

Eslatib o'tamiz, Povetkin professional boksdagi faoliyatini yakunlagan. Uning so'nggi jangi 2021 yil mart oyida o'tkazilgan bo'lib, unda britanlik Dillian Uaytga texnik nokaut bilan yutqazgan. Umumiy hisobda Povetkin 36 ta g'alaba (23 ta nokaut), 3 mag'lubiyat va 1 durang qayd etgan.