Aleksandr Zverev hech qachon Nadal va Jokovich darajasiga chiqolmasligini tan oldi

 Nadal 21 marta «Katta Dubulg'a» chempionligini qo'lga kiritgan bo'lsa, Jokovichda bitta chempionlik kam.

«Gap Rafa va Novakning ruhiy matonati haqida ketmoqda. Men ularning darajasiga hech qachon erisha olmayman. Ammo ularga yaqinlashishga harakat qilaman", - deya Zverevning so'zlarini keltiradi Eurosport.

Zverevning «Katta Dubulg'a» turnirlaridagi eng yuqori natijasi 2020 yilgi US Open finali hisoblanadi. SHuningdek, u bir martadan Australian Open va "Rolan Garros"ning 1/2 finaliga chiqqan va ikki marta Uimbldonning to'rtinchi bosqichiga etib kelgan. Bundan tashqari, Aleksandr ikki marta ATR Final turnirida g'olib bo'lgan.