Aleksandrova final ostonasida to'xtatildi

Musobaqaning yarim finalida sayyoramizning 33-raketkasi bo'lib turgan rossiyalik Ekaterina Aleksandrova reytingda o'zidan 12 pog'ona yuqorida turgan belgiyalik Elize Mertensga imkoniyatni boy berib qo'ydi - 6/2, 1/6, 5/7.

Bir yuz yigirma besh daqiqa davom etgan bahsda Ekaterina 3 ta, Elize esa 7 ta eys zarbani amalga oshirdi. Tennischilarning o'zaro uchrashuvlaridagi hisob muvozanati tiklandi - 1:1. Bugun Mertens Upper Austria Ladies Linz turniri finalida belaruslik Arina Sobolenkoga qarshi kortga chiqadi.