Alimurod Mamadaminovni tabriklaymiz!

Buyuk ustozlardan saboq olib, o'zi ham bugungi kunda ko'plab shogirdlarga o'z bilganlarini ulashib kelayotgan Alimurod aka kasbining ustazodasi. SHu paytgacha bu inson haqida hech kim salbiy fikr bildirmagan, bundan keyin ham bildirmasligiga kafolat beramiz. SHundan ham Alimurod akaga berilajak tariflar qanday ekanligini bilib olish mumkin. 

Alimurod Mamadaminov o'zbekistonlik foto muxbirlar orasida birinchilardan bo'lib faqat sportga oid suratlardan iborat ilk shaxsiy foto ko'rgazmasini keng ommaga namoyish etgan. O'sha ko'rgazmaga muallifning faoliyati davomida tarixga muhrlangan eng sara asarlari qo'yilgandi. 

Ustozimiz Alimurod aka haqida uzoq gapirish, iliq fikrlarni bildirish mumkin. Barcha hamkasblari, do'stlari, shogirdlari nomidan bugun tavallud ayyomini nishonlayotgan Alimurod Mamadaminovni unutilmas sana bilan muborakbod etamiz. Farzandlar, nevaralar, shogirdlar baxtiga hamisha sog' va salomat bo'ling, Alimurod aka!