Alisher Alimov: "O'zbekistonda samboning rivojida OAV xodimlarining o'rni beqiyos"

SHu munosabat bilan bugun O'zbekiston sambo associaciyasi yurtimizda ushbu sport turini faol tarzda yoritib kelayotgan bir guruh OAV xodimlari bilan uchrashuv tashkil etdi. Tadbirda Osiyo sambo uyushmasi prezidenti Alamjon Mullaev va O'zbekiston sambo associaciyasi raisi Alisher Alimov ishtirok etdi. 

Associaciya rahbari Alisher Alimov jurnalistlarni kasb bayrami bilan qutlar ekan, ushbu sport turining rivojida OAVning o'rni katta ekanligi haqida gapirdi. 

"Barchangizni ushbu tadbirimizda ko'rib turganimizdan mamnunmiz. O'zbekistonda yaqin yillardan buyon samboni rivojlantirishga alohida etibor qaratilmoqda. Bunda Sizlarning - Ommaviy axborot vositalari xodimlarining o'rni beqiyosdir. SHuni ishonch bilan ayta olamanki, OAV vakillari yurtimizda samboni ommalashtirish, uni yanada rivojlantirishga o'z hissasini qo'shuvchi bo'g'inlardan biridir. Sizlarning mehnatingiz sabab amalga oshirilayotgan ishlar, yutuqlarimiz xalqimizga etib boradi. Fursatdan foydalanib, barchangizni, sizlar orqali esa yurtimizdagi boshqa OAV xodimlarini kasb bayrami bilan muborakbod etamiz. 

Barchangizga ijodiy muvaffaqiyatlar tilab qolamiz", - dedi Alisher Alimov.

Do'stona ruxda kechgan uchrashuvda OAV xodimlariga dasturxon yozildi va samimiy suhbat qurildi. 

Tadbir yakunida mehmonlar uchun esdalik sovg'alari taqdim etildi.