Aljamayn Sterling Nurmagomedovning mag'lubiyatida UFC`ni aybladi

Amerikalik aralash yakkakurash ustasining fikricha, rossiyalik jangchining omadsiz chiqishida tashkilotning ham hissasi bor, chunki ular Umarni juda tezlikda, qisqa ogohlantirish bilan yuqori darajadagi raqiblarga qarshi qo'yishgan.

"Umar Mario Baptistaga qarshi juda raqobatbardosh jang o'tkazgandi, endi esa nima bo'lganini barchamiz ko'rib turibmiz. Men uning faoliyati boshida, UFC`ga endi kelgan paytidayoq aynan shu haqida gapirgan edim. Raqiblar darajasini bosqichma-bosqich oshirib borish kerak. SHoshilish yaramaydi. Menimcha, UFC uni juda tezlik bilan yuqori cho'qqiga olib chiqib, unga yaxshilik qilmagan, natijani esa hozir ko'rib turibmiz", – dedi Sterling o'zining YouTube kanalidagi navbatdagi videosida.

UFC`da oltita g'alabaga erishgan Umar Nurmagomedov o'tgan yilning yanvar oyida Merab Dvalishviliga qarshi chempionlik jangi uchun oktagonga ko'tarilgan va raqobatbardosh bahsda hakamlarning yakdil qarori bilan yutqazib, faoliyatidagi ilk mag'lubiyatini qabul qilib olgandi. SHundan so'ng rossiyalik jangchi Mario Batista va Deyveson Figeredo ustidan ketma-ket g'alaba qozondi. Biroq g'alabali seriyasini uchtaga etkazish va navbatdagi chempionlik imkoniyatini qo'lga kiritishga bo'lgan urinishi omadsiz yakunlandi.