Almaty Challenger. Istomin 1/8 finalda kortga chiqdi

Musobaqaning sovrin jamg'armasi 54 160 dollarni tashkil etib, asosiy to'rda 64 nafar tennischilar bahslarga kirishgan. Hamyurtimiz Denis Istomin Almaty Challenger turnirining ikkinchi raketkasi sifatida saralangan bo'lib, o'z ishtirokini to'g'ridan-to'g'ri ikkinchi davradan boshlagandi. 

Kecha Istomin rossiyalik Aleksandr Jurbinni 1 soatu 13 daqiqa davom etgan uchrashuvda 6:1, 6:4 hisobida mag'lub etgan edi. Afsuski, hozirgina yakuniga etgan bahsda dunyo reytingida 97-o'rinni egallab turgan Denis reytingning 234-pog'onasidan joy olgan argentinalik Federiko Koriaga 2:6, 5:7 hisobida imkoniyatni boy berib qo'ydi.