Almaty Open. Ikki tennischimiz ikkinchi davrada!

Sovrin jamg'armasi 15 000 AQSH dollarini tashkil qiluvchi musobaqada o'zbekistonlik tennischilar ham muvaffaqiyatli ishtirok etishyapti. Asosiy to'rda qatnashayotgan uch tennischimizdan ikki nafari ikkinchi davraga yo'l oldi.

Tajribali Albina Xabibulina ilk davrada rossiyalik Anna Yakovlevani ortiqcha qiyinchiliksiz 6:1, 6:2 hisobida taslim etdi. Sevil Yo'ldosheva esa yana bir rus tennischisi Alisa Pastegaevadan 4:6, 6:3, 6:2 hisobida ustun keldi. 

Asosiy to'rga imtiyozli yo'llanma asosida qo'yilgan Yasmina Karimjonova turnirning oltinchi raketkasi rossiyalik Vlada Kovalga 1:6, 0:6 hisobida yutqazdi. Endi Xabibulina ikkinchi davrada sakkizinchi raketka qozog'istonlik Jibek Kulambaevaga, Yo'ldosheva esa aynan Kovalga qarshi kortga chiqadi. 

Suratda - Sevil Yo'ldosheva